Хаврын улирлын хуурайшилт эхэлсэнтэй холбогдуулан Иргэний нисэхийн үндэсний төв нь харьяа алба салбаруудад галын аюулаас урьдчилан сэргийлэх зорилгоор дараах арга хэмжээ авч ажиллахыг анхааруулж байна.

Үүнд:

1. Гал түймрээс урьдчилан сэргийлэх зорилгоор ил задгай гал гаргахгүй байх;

2. Өнжмөл шар өвсийг ямар ч тохиолдолд галдан шатаахгүй байх;

3. Тамхийг зөвхөн зөвшөөрөгдсөн цэгт татах, тамхи, шүдэнзний галыг бүрэн унтрааж байх;

4. Ус зайлуулах хоолой, далан сувгийн цэвэрлэгээний ажлыг зохион байгуулах;

5. Машин, техникийн утааны янданг оч баригчтай болгох;

6. Аэродромын хашаа болон барилга байгууламжийг тойруулан цурав татах, шороон зурвас гаргах;

7. Барилга байгууламж, аэродром, аслагдмал объектуудыг ахуйн болон ой хээрийн гал түймрийн аюулаас урьдчилан сэргийлэх;

8. Ээлжийн ажилтан болон жижүүрүүдийн сонор сэрэмжийг дээшлүүлэх;

9. Ажилтан бүр ажлын байрандаа галын үзлэг шалгалтыг тогтмол хийж байх;

10. Хиншүү, утаа гарсан тохиолдолд цаг алдалгүй холбогдох албан тушаалд мэдэгдэх, шуурхай арга хэмжээ авах;

11. Цахилгааны аюулгүй байдалд үзлэг шалгалт зохион байгуулах, эрсдэл бүхий нөхцөл байдлыг арилгах арга хэмжээ авч ажиллах;

12. Гал унтраагуур болон галын анхан шатны багаж хэрэгсэлд үзлэг хийж, бэлэн байдлыг хангах, ажилчдад багаж хэрэгсэлтэй харьцах дадлага сургалт хийх;

13. Нийт ажилтнуудад галын аюулаас урьдчилан сэргийлэх зааварчилгааг үр дүнтэй өгч анхааруулах;