ИНЕГ-ын дарга С.Мөнхнасан Аюулгүй байдал, хамгаалалтын албаны ажилтан алба хаагчидтай уулзаж, Иргэний нисэхийн салбарт ирэх онуудад авч хэрэгжүүлэх бодлого, үйл ажиллагааны талаар танилцууллаа. Тэрбээр “2022 оны нэгдүгээр сараас Хөдөлмөрийн тухай шинэ хууль хэрэгжиж эхэлнэ. Үүнд ажилтнуудын эрх ашгийг хамгаалах олон зүйл бий. Зөвхөн эрхээ эдлэх биш, удирдлага болон ажилтнууд эрх, үүрэг, хариуцлагаа ухамсарлаж ажиллах хэрэгтэй” гээд нийт алба хаагчдад ажлын өндөр амжилт хүслээ.

Аюулгүй байдал, хамгаалалтын албаны дарга М.Гомбожав хэлэхдээ “Иргэний нисэхийг хөндлөнгийн хууль бус үйлдлээс хамгаалах цогцолбор арга хэмжээг хэрэгжүүлэгч нэгэн эд эс болсон цорын ганц байгууллагын бүтэц, зохион байгуулалтыг хурдтай хувиран өөрчлөгдөж байгаа аюулгүй байдлын орчин болон цаг үеийн шаардлагад нийцүүлэн шинэчлэх үйлсэд түүчээлж байгаад талархал илэрхийлье. Иргэний нисэхийн салбарыг хөгжүүлэх шинэлэг бодлого, үйл ажиллагааг манай алба бүрэн дэмжин ажиллах болно” гэлээ.