Иргэний нисэхийн нарийн мэргэжлийн боловсон хүчин бэлтгэдэг БНСУ-ын Алс Дорнодын их сургуулийн багш оюутнууд өнөөдөр ”Буянт-Ухаа” Олон улсын нисэх буудалд зочилж, буудлын үйл ажиллагаатай танилцлаа. ”Буянт-Ухаа” Олон улсын нисэх буудлын дарга Л.Отгонжаргал БНСУ төдийгүй Азидаа нэр хүндтэй Олон улсын Иргэний нисэхийн байгууллагын сургалтын хөтөлбөр, стандарт, шаардлагын дагуу нисгэгч, навигацийн болон инженер, техникийн ажилтнуудыг бэлтгэн гаргадаг тус сургуулийн багш, оюутнууд хүрэлцэн ирсэнд талархал илэрхийлж ”Буянт-Ухаа” Олон улсын нисэх буудлын үйл ажиллагааг танилцуулан, цаашид хамтран ажиллах өргөн боломж байгааг илэрхийллээ.