ИНЕГ-ын даргын ээлжит өргөтгөсөн шуурхай хуралдаан өнөөдөр боллоо. Хуралдаанд ИНЕГ, ИНҮТ болон харьяа газар, албадын дарга нар оролцож, үйл ажиллагааныхаа явц болон шийдвэрлүүлэх шаардлагатай ажлаа танилцууллаа.

ИНЕГ-ын дарга С.Мөнхнасан алба, нэгжүүдэд өмнөх шуурхай хуралдаанаас өгсөн үүрэг даалгаврын хэрэгжилттэй танилцаад хэд хэдэн үүрэг чиглэл өглөө. Тухайлбал, навигацийн үйлчилгээний тоног төхөөрөмжийн даатгалын асуудлыг энэ долоо хоногт багтаж судлах, Агаарын тээвэр, аялал жуулчлалын салбар хоорондын хамтарсан зөвлөлийн хурлыг баасан гарагт хуралдуулах бэлтгэл хангаж ажиллах, алба нэгжүүд ERP програмд байршуулах шаардлагатай мэдээллүүдээ хоёр долоо хоногийн хугацаанд бүрэн байршуулах, Цэрэг-иргэний хамтын ажиллагааны журмыг шинэчлэн батлуулах болон өвөлжилтийн бэлтгэл ажлыг сайтар хангаж ажиллахыг  холбогдох алба, газрын удирдлагуудад үүрэг болгов.