ИНЕГ-ын даргын ээлжит өргөтгөсөн шуурхай хуралдаан өнөөдөр боллоо. Хуралдаанд ИНЕГ, ИНҮТ, түүний харьяа газар, албадын дарга нар оролцож, үйл ажиллагааныхаа явц болон өмнөх шуурхайгаас өгсөн үүрэг даалгаварын биелэлтийг танилцууллаа.

Харин өнөөдрийн хуралдаанаар “Нисэхийн сургалтын төв”-ийн анги танхимын хүрэлцээг нэмэгдүүлэх, Эрсдэлийн үнэлгээтэй холбоотой шийдвэрүүдийг алба, нэгжийн удирдлагуудад хүргүүлэх, үүрэг даалгаврын биелэлтийг ахиулах, нислэг үйлдэхгүй байгаа зарим аймгуудын нисэх буудлуудыг арваннэгдүгээр сарын 01-нээс буюу маргаашнаас сул зогсолтод оруулах, өвөлжилтийн бэлтгэл ажлыг бүрэн хангах, алба нэгжүүдийн ажил дүгнэх маягт гаргах зэрэг үүрэг даалгаврыг өгсөн бөгөөд ирэх арванхоёрдугаар сарын эхний 10 хоногт бүх газар нэгжийн ажилтан, алба хаагчид жилийн ажлынхаа тайланг хамгаалахыг үүрэг болголоо.