Зорчигч Та Хонконг руу нэвтрэхдээ дараах шаардлагыг хангана.

Вакцины бүрэнд тунд хамрагдсан англи эсвэл хятад хэл дээр гэрчилгээтэй байх.

Сүүлийн 24 цаг доторх Ковид-19-ийн түргэвчилсэн шинжилгээний сөрөг хариутай байх.

2 талын тасалбартай байх эсвэл цааш дамжин нисэх тасалбартай байх. (Хонконгийн оршин суух эрхтэй, болон Хонконг иргэдэд хамаарахгүй)

Хонконгоор дамжин БНХАУ-руу нисэхийг Хонконг ОУНБ-аас хориглосон. (Хонконгд нэвтэрснээс хойш 3 хоногийн дараа БНХАУ руу зорчих эрх нээгдэнэ.

Эрүүл мэндийн цахим хуудас бөглөж ногоон өнгөтэй QR кодтой байх ба дараах холбоосоор орж бөглөнө. https://www.chp.gov.hk/hdf/

Хонконгд нэвтэрсний дараа:

Хонконг нь ковид-19-н журам хэрэгжиж байгаа бөгөөд тус журмын шаардлагыг зөөлрүүлж ирж буй зорчигчид тусгаарлагдах шаардлагагүй болсон. Хонконгд ирсэн зорчигч нар 3 хоног өөрийгөө ажиглаж хоолны газар, саун, фитнесс гэх зэрэг газруудаар орох хориотой. Харин дэлгүүр, нийтийн тээвэр, үзвэрийн газар гэх мэт бусад үйлчилгээ нээлттэй.

Хонконг ОУНБ-д ирсэн бүх зорчигчдоос үнэ төлбөргүй ковид-19 вирусын PCR шинжилгээ авна. Дараа нь 2, 4, 6 дахь өдрүүдэд мөн PCR шинжилгээг өгнө. Шинжилгээний цагийг https://booking.communitytest.gov.hk/form/index.jsp хуудсаар орж бүртгүүлнэ.

Мөн ирсэн өдрөөс эхлэн 7 хоногийн хугацаанд өдөр бүр Ковид-19 вирусын түргэвчилсэн шинжилгээг өөрөө хийж зургийг https://nhqsdata.hqss.ogcio.gov.hk/ibt/#/login хуудсаар орж илгээнэ.

ХОНКОНГИЙН ХИЛИЙН ШАЛГАН НЭВТРҮҮЛЭХ ПОСТ ДЭЭР АНХААРАХ ЗҮЙЛС (Immigration)

Хонконг руу нэвтрэх хяналт шалгалт өндөр байгаа тул хилийн шалган нэвтрүүлэх постын ажилтан таны:

Аяллын зорилго,

Аяллын хөтөлбөр,

Хонконгд байх хугацаанд байрлах хаяг – гэр бүлийн гишүүн болон найз нөхдийн гэрт бол тус хүний утас, овог нэр, Буудалд байрлах бол буудлын баталгаажсан захиалгын хуудас,

Буцах болон цааш дамжин нисэх тасалбар,

Хонконгд байх хугацаандаа санхүүгийн хангалттай чадавхтай эсэх зэргийг асуух магадлалтай болохыг анхаарна уу.