Нисэхийн эрүүл мэнд, сэргээн засах албаны хамт олон Сэргээн засах амралт, Нисэхийн эрүүл мэнд, спортын цогцолборыг хариуцан, үйл ажиллагаа явуулж байна. Нисэхийн эрүүл мэнд, спортын цогцолбор өнөөдрийн байдлаар фитнес, теннис, иога, бүжиг, дартс, бассейн гэх мэт зургаан төрлийн сургалт явуулж байна. 2022 онд тус цогцолборын хамт олон давхардсан тоогоор 5137 хүнд үйлчилжээ.
2022 онд спорт цогцолборын гадна талбайн тохижилтын ажил бүрэн хийгдсэн. Заалны шал болон сагсан бөмбөгийн шийд, волейболын хэрэгсэл, заалны ханын дэлгэц, зарлан мэдээлэх системийн гэрээ хийгдсэн байна.
Сэргээн засах амралтын үйл ажиллагаа мөн хэвийн явагдаж байгааг хэллээ. ИНҮТ-ийн даргын тушаалаар НЭМСЗА-ны үйлчилгээний тариф батлагдаж, шинэчилсэн тарифаар үйл ажиллагаа явуулж байгааг тус албаны дарга Т.Хулан танилцууллаа.
