“Үзэсгэлэн болгогч” хэмээх XVII жарны усан туулай жилийн босгон дээр Иргэний нисэхийн салбартаа өндөр амжилт гаргаж, идэвх зүтгэлтэй ажилласан албан хаагч нарт Төрийн болон салбарын шагнал гардууллаа.

Монгол Улсын Ерөнхийлөгчийн зарлигаар Хөдөлмөрийн гавьяаны улаан тугийн одонгоор “МИАТ” ТӨХК-ийн Агаарын хөлгийн засвар үйлчилгээний газрын ахлах инженер Н.Адилбишийг, ЗТХЯ-ны Сайдын тушаалаар ИНЕГ-ын Нислэгийн урсгал төлөвлөлтийн мэргэжилтэн Ж.Сарантунгалаг, ИНЕГ-ын Радиолокаторын цахилгаан тэжээл хариуцсан ээлжийн инженер Х.Энхтамир, ИНЕГ-ын Ээлжийн ахлах инженер Х.Алтан-Эрдэнэ, ИНЕГ-ын ахлах инженер Г.Ганзориг, ИНЕГ-ын ХАБЭА хариуцсан мэргэжилтэн Ц.Баярбаатар, ИНЕГ-ын хамгаалалтын ажилтан Э.Төрбат, ИНЕГ-ын Аюулгүй байдлын үзлэгийн шалгагч Ц.Мөнхжаргал, ИНЕГ-ын Хэвлэх цехийн номын дэвтэрлэгч М.Цэндсүрэн нарыг Зам тээврийн хөгжлийн яамны “Хүндэт жуух” бичгээр тус тус шагнаж урамшуулсныг ИНЕГ-ын дарга Ч.Мөнхтуяа гардуулан өглөө.