БНСУ-ын “Инчеон” Олон улсын нисэх буудал 2023 оны 9-р сарын 4-7-ны өдрүүдэд “Нисэх буудлын хэрэглэгчийн сэтгэгдэл” сэдэвт ACI дэлхийн дээд хэмжээний уулзалтыг зохион байгуулахаар ажиллаж байна. Уг уулзалт нь “Нисэхийн салбарын шинэлэг, тогтвортой байдлын төлөө хамтдаа зүтгэе” уриан дор болох бөгөөд дэлхийн нисэхийн салбарын оны шилдэгүүд цугларах юм.

“Инчеон” Олон улсын нисэх буудал нь Олон Улсын нисэх буудлуудын холбоо /ACI/ -ны хэрэгжүүлдэг “Нисэх буудлын зорчигчийн сэтгэгдэл магадлан итгэмжлэлийн хөтөлбөр”-ийн хамгийн өндөр түвшинд хүрсэн дэлхийд анхдагч нисэх буудал болж, шинэ жишиг тогтоосон юм. Тус нисэх буудал нь нисэх буудлуудын үйл ажиллагааны үр ашгийг дээшлүүлэх, хэрэглэгчдийн сэтгэгдлийг сайжруулахын тулд зорчигч үйлчилгээний үйл явцыг оновчтой болгох, шинэ технологийг нэвтрүүлэх чиглэлээр тасралтгүй ажиллаж байна.