Тулгар төрийн 2232, Их Монгол Улс байгуулагдсаны 817 жил, Үндэсний эрх чөлөө, тусгаар тогтнолоо сэргээн мандуулсны 112 жил, Ардын хувьсгалын түүхт 102 жилийн ой, Үндэсний их баяр наадмыг тохиолдуулан ИНЕГ-аас Монгол Улсын Иргэний нисэхийн салбартаа тэргүүлж, ажил үйлсээрээ бусдыгаа манлайлсан албан хаагчдадаа төрийн болон салбарын шагналыг гардууллаа.
Тодруулбал, Монгол Улсын Ерөнхийлөгчийн 2023 оны долдугаар сарын 03-ны өдрийн 81дүгээр зарлигаар Хөдөлмөрийн гавьяаны улаан тугийн одонгоор Нислэгийн хөдөлгөөний удирдагчаар ажиллаж байгаад өндөр насны тэтгэвэрт гарсан Шарын Майбаярыг шагнасныг ИНЕГ-ын дарга Ч.Мөнхтуяа гардууллаа.
Мөн Монгол Улсын Ерөнхийлөгчийн зарлигаар Иргэний нисэхийн үндэсний төвийн харьяа Газрын тусгай үйлчилгээ, шатахуун хангалтын албаны нягтлан бодогч С.Оюунгэрэл, А.Базаррагчаа, ИНҮТ-ийн Санхүү, эдийн засаг, төлөвлөлтийн газрын тооцооны нягтлан бодогч Ш.Даваасамбуу, ИНҮТ-ийн харьяа Газрын тусгай үйлчилгээ шатахуун хангалтын албаны жолооч П.Норов, ИНҮТ-ийн харьяа ААҮДСА-ны Дулааны сантехникийн хэсгийн дарга М.Батсайхан нарыг “Алтан гадас” одонгоор шагнав. Түүнчлэн Монгол Улсын Ерөнхийлөгчийн зарлигаар ИНЕГ-ын НААХЗА-ны цаг уурын хяналтын байцаагч Д.Маасүрэн, ИНЕГ-ын Нислэгийн стандарт, үйл ажиллагааны хяналтын хэлтсийн ахлах байцаагч Ч.Дарьсүрэн, ИНҮТ-ийн харьяа ХНАА-ны навигацийн инженер П.Эрдэнэбат, ИНҮТ-ийн харьяа ГТҮШХА-ны жолооч Д.Энхбат, ИНҮТ-ийн харьяа “Буянт-Ухаа” ОУНБ-ын мужаан П.Ерөөлт, ИНҮТ-ийн АБХА-ны хамгаалалтын ахлагч Д.Батсүрэн, ИНҮТ-ийн харьяа Нисэхийн сургалтын төвийн захирал Б.Урантөгс,ИНҮТ-ийн харьяа НЭМСЗА-ны тогооч Ш.Хандмаа нарыг “Хөдөлмөрийн хүндэт медаль”-аар шагнаж урамшуулжээ.
Харин Зам, тээврийн хөгжлийн сайдын тушаалаар Монголын Улсын Зам,тээврийн салбарыг “Хүндэт жуух” бичгээр ИНЕГ-ын АТБЗГ-ын агаарын харилцааны мэргэжилтэн М.Оюут, ИНҮТ-ийн харьяа НХҮА-ны Бүсийн Удирдлагын үйлчилгээний хэсгийн бүсийн ажиглалтын нислэгийн хөдөлгөөний удирдагч Ц.Даваасүрэн, Н.Содбаяр, ИНҮТ-ийн харьяа АБХА-ны ахлах нягтлан бодогч Д.Лхагвасүрэн нарыг шагнасныг ИНЕГ-ын дарга Ч.Мөнхтуяа болон даргын зөвлөлийн бусад гишүүд гардууллаа. 
