АНУ руу шууд нислэг үйлдэхтэй холбогдуулан АНУ-ын Дотоодыг аюулаас хамгаалах яамны харьяа Тээврийн аюулгүй байдлын захиргаа /Transportation Security Administration/-наас хийгдэх нисэхийн аюулгүй байдлын үнэлгээнд хамрагдах бэлтгэл ажлыг хангах ажлын хүрээнд тус улсын Тээврийн аюулгүй байдлын захиргаа /Transportation Security Administration/-ны Олон улсын үйл ажиллагаа хариуцсан дарга, ноён Гари Рэнфроу болон Бээжин хот дахь төлөөлөгч, хатагтай Шерри Сото, АНУ-ын Элчин сайдын яамны төлөөлөгч нарын хамт Монгол Улсад айлчилж, Иргэний нисэхийн ерөнхий газрын дарга Ч.Мөнхтуяа болон ИНЕГ-ын удирдлагуудтай өнөөдөр  /2023.08.31/ уулзалт хийлээ.

Уулзалтын дараа ноён Гари Рэнфроу, бусад төлөөлөгч нарын хамт “Чингис хаан” Олон улсын нисэх буудал дахь нисэхийн аюулгүйн хамгаалалтын үйл ажиллагаатай газар дээр нь танилцжээ.