1996 оноос хойш жил бүрийн 9 дүгээр сарын 8-ны өдрийг “Дэлхийн хөдөлгөөн засалчдын өдөр” болгон зарласан байдаг. Энэ өдөр нь дэлхийн хөдөлгөөн засалчдын эв нэгдэл болон нийгэмд хийж бүтээсэн ажлуудаа бусдад таниулах өдөр юм. Үүнтэй холбогдуулан Нисэхийн эрүүл мэнд, сэргээн засах албаны хөдөлгөөн засалч Б.Бямбасүрэн албаны ажилтнууддаа  “ХӨДӨЛГӨӨН ЗАСАЛ ЭМЧИЛГЭЭ БОЛОН ҮЕНИЙ ҮРЭВСЭЛ” сэдэвт сургалт зохион байгуулж, ажлын байранд хийх дасгал хөдөлгөөн, чангарсан булчинг хэрхэн суллах талаар зааж, зөвлөгөө өглөө. Энэхүү сургалтыг цаашид бусад алба нэгжүүдийн ажилтнуудад орохоор төлөвлөж байна.