Монгол Улсын Засгийн газар, Япон Улсын Олон улсын хамтын ажиллагааны байгууллага хооронд байгуулсан MON P-8, MON P-12 дугаартай зээлийн гэрээ, Монгол Улсын Засгийн газрын санхүүжилтээр хийгдэж буй “Улаанбаатар хотын Олон улсын нисэх онгоцны шинэ буудал барих” төслийн нэгжийн эдийн засагчийн ажлын байрны нээлттэй сонгон шалгаруулалтыг зарлаж байна.

Ажлын байр	Ажлын байрны тодорхойлолт	Ажлын байранд тавигдах ерөнхий шаардлага
Төслийн эдийн засагч	“Улаанбаатар хотын Олон Улсын нисэх онгоцны шинэ буудал барих төсөл” MON P-8, MON P-12, зээлийн гэрээний хүрээнд нисэх онгоцны буудлыг бүрэн ашиглалтанд оруулах хүртэл хугацаанд төслийн зүгээс хэрэгжүүлэх шаардлагатай өртөг, зардлын тооцоог гаргах, Олон улсын нисэх онгоцны шинэ буудлын Хүний нөөц, ашиглалт, менежментийн чадавхийг сайжруулах төслийн багтай хамтран ажиллах, нисэх онгоцны буудлыг ашиглалтанд шилжүүлэхтэй холбоотой үүсэх харилцаанд гарах үнэ өртгийн судалгааг гаргаж, зээлийн хөрөнгийн зарцуулалтанд хяналт тавих, барилга байгууламжийг ашиглалтанд оруулах, шилжүүлэхтэй холбоотойгоор хөрөнгө оруулалт урсгал зардлын төсөөллийг холбогдох байгууллагатай хамтран боловсруулах, төсөл хэрэгжүүлэх нэгжийн үйл ажиллагааны урсгал зардлын төслийг сар, улирал, жилээр боловсруулан батлуулах чиг үүрэгтэй ажиллана.	Бизнесийн удирдлага, Эдийн засагч мэргэжилтэй. Бакалавраас доошгүй зэрэгтэй байх; Мэргэжлээрээ 5-аас доошгүй жил ажилласан байх;   Гадаадын зээл, тусламжийн хөрөнгө оруулалтаар хэрэгжих төсөл, арга хэмжээг  хариуцаж ажиллаж байсан туршлагатай байх; /давуу тал болно/; Нисэх онгоцны буудлын ашиглалт, үйл ажиллагааны төлөвлөлтийн чиглэлээр мэргэшсэн байх; Төсөл хөтөлбөр боловсруулах чадвартай байх; Судалгааны төрөл, арга аргачлалын зохих түвшний мэдлэгтэй байх; Англи хэлний дээд түвшний мэдлэгтэй байх; Япон хэлний зохих түвшний мэдлэгтэй байх;  /давуу тал болно/; Компьютерийн хэрэглээний программыг бүрэн эзэмшсэн байх, баримт бичиг боловсруулах  өндөр чадвартай байх; Тооцоолон бодох, дүн шинжилгээ хийх чадвартай байх.

Дээрх ажлын байранд тавигдаж буй шаардлагыг хангах, тухайн ажлын байрыг сонирхож буй хүмүүс дараах холбогдох баримт бичгийг бүрдүүлэн 2018 оны 10 дугаар сарын 25-ны өдрийн 17:30 цагаас өмнө доорх хаягаар авчирч өгнө үү.

Бүрдүүлэх материал:

• Товч намтар (CV) Монгол, Англи хэл дээр;
• Боловсролын дипломын нотариатаар баталгаажуулсан хуулбар;
• Монгол Улсын иргэний үнэмлэхний хуулбар;
• Ажилласан жилийг тооцох баримт, нотолгоо хөдөлмөрийн болон нийгмийн даатгалын дэвтэр / нотариатаар баталгаажуулсан хуулбар/
• Ажил байдлын тодорхойлолт (сүүлийн 2 ажил олгогчоос)
• Англи хэлний чадварыг нотлох баримт;
• Тухай ажлын байранд ажиллах хүсэлт, өөрийн мэдлэг ур, чадвараа илэрхийлсэн өргөдөл (cover letter) Монгол, Англи хэл дээр;

Улаанбаатар хот, Сүхбаатар дүүрэг, Чингисийн өргөн чөлөө 11,

Зам, тээврийн хөгжлийн яам, 307 тоот

Холбоо барих утас 62263178