Удахгүй болох Монгол улсад нисэх хүчин үүсч хөгжсөний ойн баярын өмнөхөн иргэний нисэхийнхэн Үндэсний цэцэрлэгт хүрээлэнд өөрийн нэрэмжит төгөлтэй боллоо.

Өнгөрсөн амралтын өдөр “Нисэх хүчин үүсч хөгжсөний 94 жилийн ойг угтан ИНЕГ-ын нэрэмжит төглийг байгуулав. 2019.05.18” гэсэн бичээс бүхий самбар байрлуулж, 50 ширхэг улиас суулгалаа. ИНЕГ-ын нэрэмжит төгөлд мод тарих ажилд ЗТХ-ийн сайд Б.Энх-Амгалан, ИНЕГ-ын Даргын зөвлөлийн гишүүд, харьяа байгууллагын удирдлагууд оролцлоо.